Easy Accounting Kërko ofertë
Shërbim profesional

Regjistrim biznesi

Start i rregullt për biznesin tuaj

Të gjitha shërbimetKërko ofertë
Detaje të shërbimit

Çfarë përfshin ky shërbim?

Regjistrimi i biznesit është hapi i parë për me e nisë aktivitetin në mënyrë të rregullt. Ky shërbim përfshin sqarimin e formës juridike, kontrollin fillestar të emrit dhe aktivitetit sipas KVE, përgatitjen e dokumenteve dhe formularëve për ARBK/RBK, si dhe orientimin për hapat e parë në ATK/EDI pas regjistrimit.

Pikat kryesore

Hapje B.I., SH.P.K. dhe forma tjera sipas rastit
Sqarim i formës juridike dhe parashtesës ligjore të emrit
Kontroll i aktivitetit kryesor sipas KVE
Lista e dokumenteve sipas formës së biznesit
Orientim për ARBK/RBK dhe hapat e parë në ATK/EDI
Qasja për këtë shërbim:Qasja për këtë shërbim fillon me sqarimin e formës juridike, emrit dhe aktivitetit kryesor sipas KVE. Pastaj përgatisim listën e dokumenteve dhe formularët sipas rastit, ju orientojmë për dorëzim në ARBK/RBK dhe ju tregojmë hapat e parë në ATK/EDI pas pranimit të certifikatës.

Si e trajtojmë në praktikë?

01 Sqarojmë formën juridike, emrin e propozuar dhe parashtesën ligjore.
02 Kontrollojmë komunën/adresën, aktivitetin kryesor sipas KVE dhe nëse kërkohet licencë, TVSH ose import/eksport.
03 Përgatisim listën e dokumenteve dhe formularët zyrtarë sipas formës së biznesit.
04 Ju orientojmë për aplikim në ARBK/RBK dhe për hapat e parë në ATK/EDI pas regjistrimit.
Procedura

Hapat e regjistrimit të biznesit

Procesi mbahet i qartë: forma juridike, emri dhe aktiviteti, dokumentet zyrtare, dorëzimi dhe hapat pas regjistrimit.

01

Forma juridike

Zgjidhet forma e përshtatshme dhe parashtesa ligjore: B.I., O.P., O.K., SH.P.K., SH.A., D.K. ose Z.P.K.

02

Emri dhe aktiviteti

Kontrollohen emri, adresa, përfaqësuesi dhe kodi i veprimtarisë sipas KVE.

03

Dokumentet dhe formulari

Përgatitet dosja, formulari zyrtar i ARBK-së dhe dokumentet mbështetëse sipas formës juridike.

04

ARBK / RBK

Aplikimi dorëzohet në ARBK/RBK, në komunën ku vepron biznesi ose përmes shërbimeve online kur ato janë të disponueshme.

05

Pas regjistrimit

Verifikohen ATK/EDI, TVSH sipas kushteve ligjore, licencat sipas veprimtarisë dhe organizimi fillestar i dokumenteve.

Format juridike

Format juridike që trajtohen

Zgjedhja e formës juridike ndikon në përgjegjësi, dokumentacion, mënyrë menaxhimi dhe obligime të mëvonshme.

Biznes Individual - B.I.

Përdoret shpesh për veprimtari më të thjeshta ku pronari vepron në emër të biznesit. Është e rëndësishme të kuptohet përgjegjësia personale dhe obligimet tatimore.

Ortakëri e Përgjithshme - O.P.

Përshtatet kur dy ose më shumë persona zhvillojnë biznes së bashku. Marrëveshja e ortakërisë është e rëndësishme për rolet, përgjegjësitë dhe vendimmarrjen.

Ortakëri e Kufizuar - O.K.

Përdoret kur ortakët kanë role dhe përgjegjësi të ndryshme. Dokumentet duhet të sqarojnë qartë marrëdhënien e ortakëve dhe kufizimet përkatëse.

Shoqëri me Përgjegjësi të Kufizuar - SH.P.K.

Është formë e zakonshme për kompani që kërkojnë strukturë më të qartë dhe përgjegjësi të kufizuar. Statuti dhe akti i themelimit duhet të përgatiten me kujdes.

Shoqëri Aksionare - SH.A.

Përdoret për struktura më të mëdha me aksionarë dhe organizim më formal. Kërkon dokumentacion më të detajuar dhe qeverisje më të strukturuar.

Degë e Shoqërisë së Huaj

Përdoret kur një kompani e huaj dëshiron të ushtrojë veprimtari në Kosovë përmes degës. Certifikata/ekstrakti i shoqërisë së huaj duhet të jetë i përditësuar dhe përkthimi kërkohet kur dokumentet nuk janë në gjuhët e pranuara.

Zyrë e Përfaqësisë së Shoqërisë së Huaj

Zyra e Përfaqësisë nuk kryen veprimtari ekonomike në Kosovë. Përdoret vetëm për hulumtim tregu, marketing/promocion dhe përfaqësim të shoqërisë së huaj.

Emri zyrtar: emri i biznesit duhet ta përfshijë prapashtesën sipas formës juridike: B.I., O.P., O.K., SH.P.K., SH.A., D.K. ose Z.P.K.

Krahasim praktik

B.I. apo SH.P.K.?

Zgjedhja nuk bëhet vetëm sipas shpejtësisë së hapjes. Duhet të shikohet përgjegjësia, struktura, rritja e planifikuar dhe mënyra si do të raportohet biznesi.

B.I. për fillim të shpejtë

Zgjidhje e thjeshtë për fillim të shpejtë, menaxhim të drejtpërdrejtë dhe raportim minimal.

  • Procedurë e thjeshtuar e hapjes
  • Menaxhim i drejtpërdrejtë nga pronari
  • Përgjegjësi e pakufizuar me pasurinë personale
  • Raportim më i thjeshtë financiar dhe tatimor
  • Zgjidhje ideale për aktivitete të vogla
Kërko listën e dokumenteve

SH.P.K. për strukturë më formale

Strukturë më e qëndrueshme, ndarje e përgjegjësisë dhe më shumë mundësi për rritje.

  • Strukturë e ndarë nga pasuria personale
  • Përgjegjësi e kufizuar sipas kapitalit
  • Më shumë besueshmëri për klientë dhe partnerë
  • Mundësi më të mëdha për financim dhe zgjerim
  • Zgjidhje ideale për biznes me rritje dhe zhvillim
Kërko listën e dokumenteve
Regjistrim biznesi dhe formularë

Zgjidh formën e biznesit, shiko dokumentet dhe hape formularin zyrtar

Kjo pjesë e bashkon dokumentacionin me formularët zyrtarë të ARBK-së. Hapni formën juridike me shenjën +, kontrolloni çfarë kërkohet zakonisht dhe përdorni linkun zyrtar për formularin përkatës.

Biznes Individual - B.I.B

Dokumentet që zakonisht kërkohen

  • Formulari B për regjistrim të ri ose ndryshime.
  • Kopja e dokumentit personal të pronarit.
  • Të dhënat e biznesit: emri, adresa, telefoni, emaili.
  • Veprimtaria kryesore dhe veprimtaritë sekondare.
  • Numri i punëtorëve, nëse ka.
  • Autorizimi, nëse aplikimi bëhet nga përfaqësuesi.

Kur është e përshtatshme

  • Kur biznesi ka një pronar.
  • Kur aktiviteti është më i thjeshtë në organizim.
  • Kur nuk ka nevojë për strukturë me ortakë ose aksionarë.
  • Kur kërkohet hapje më e shpejtë dhe më e thjeshtë.

Kontroll para dorëzimit

  • A është emri i biznesit i qartë dhe i përshtatshëm.
  • A është adresa e plotë.
  • A janë zgjedhur saktë veprimtaritë.
  • A është dokumenti personal valid.
  • A janë të dhënat e kontaktit të sakta.
  • A kërkohet regjistrim në TVSH, certifikatë import/eksport ose obligime tjera pas regjistrimit.
Ortakëri e Përgjithshme - O.P.B

Dokumentet që zakonisht kërkohen

  • Formulari B.
  • Dokumentet personale të ortakëve.
  • Marrëveshja e ortakërisë.
  • Të dhënat e biznesit dhe adresës.
  • Veprimtaritë.
  • Autorizimi, nëse aplikon përfaqësuesi.

Kur është e përshtatshme

  • Kur dy ose më shumë persona duan të ushtrojnë aktivitet të përbashkët.
  • Kur marrëdhënia e ortakëve duhet të jetë e dokumentuar.
  • Kur përgjegjësitë dhe rolet duhet të sqarohen para regjistrimit.

Kontroll para dorëzimit

  • A janë të dhënat e ortakëve të sakta.
  • A është marrëveshja e ortakërisë e qartë.
  • A janë veprimtaritë dhe adresa të plota.
  • A kërkohet autorizim për përfaqësuesin.
Shoqëri me Përgjegjësi të Kufizuar - SH.P.K.A0

Dokumentet që zakonisht kërkohen

  • Formulari A0 për regjistrim fillestar.
  • Dokumentet personale të themeluesve.
  • Statuti i shoqërisë.
  • Marrëveshja e inkorporimit ose akti i themelimit kur ka një themelues.
  • Të dhënat për pronarët dhe pjesët në pronësi.
  • Të dhënat për drejtorin ose përfaqësuesin e autorizuar.
  • Të dhënat e adresës, veprimtarive dhe kapitalit.
  • Certifikata e biznesit nëse themelues është biznes tjetër.
  • Dokumentet e shoqërisë së huaj, nëse themelues është kompani e huaj.
  • Autorizimi, nëse aplikon përfaqësuesi.

Kur është e përshtatshme

  • Kur biznesi kërkon strukturë më të qartë pronësie.
  • Kur ka një ose më shumë themelues.
  • Kur planifikohet rritje, investim ose bashkëpunim më formal.
  • Kur kërkohet ndarje më e qartë e përgjegjësive.

Kontroll para dorëzimit

  • A janë përcaktuar themeluesit dhe pjesët në pronësi.
  • A janë përgatitur statuti dhe akti i themelimit.
  • A janë saktësuar drejtori, adresa, kapitali dhe veprimtaritë.
  • A ka themelues juridik ose kompani të huaj që kërkon dokumente shtesë.
Shoqëri Aksionare - SH.A.A0

Dokumentet që zakonisht kërkohen

  • Formulari A0.
  • Dokumentet personale të aksionarëve.
  • Statuti.
  • Marrëveshja e inkorporimit ose akti i themelimit.
  • Të dhënat për aksionet, kapitalin dhe bordin.
  • Të dhënat e drejtorëve dhe përfaqësuesve.
  • Autorizimi, nëse aplikon përfaqësuesi.

Kur është e përshtatshme

  • Kur biznesi ka strukturë më të madhe aksionarësh.
  • Kur kërkohet qeverisje më formale.
  • Kur kapitali dhe aksionet duhet të dokumentohen me kujdes.

Kontroll para dorëzimit

  • A janë të qarta të dhënat për aksionarët.
  • A janë dokumentuar aksionet, kapitali dhe organet drejtuese.
  • A janë përgatitur dokumentet e përfaqësuesve.
Ortakëri e Kufizuar - O.K.A0

Dokumentet që zakonisht kërkohen

  • Formulari A0.
  • Dokumentet personale të ortakëve.
  • Marrëveshja e Ortakërisë së Kufizuar.
  • Të dhënat e pronësisë.
  • Të dhënat e përfaqësuesit.
  • Autorizimi, nëse aplikon përfaqësuesi.

Kur është e përshtatshme

  • Kur ortakët kanë përgjegjësi të ndryshme.
  • Kur kërkohet marrëveshje më e detajuar ndërmjet ortakëve.
  • Kur struktura nuk është e njëjtë me ortakërinë e përgjithshme.

Kontroll para dorëzimit

  • A janë ndarë qartë rolet e ortakëve.
  • A është marrëveshja e përgatitur sipas rastit.
  • A janë të plota të dhënat e përfaqësuesit.
Degë e Shoqërisë së HuajA0

Dokumentet që zakonisht kërkohen

  • Formulari A0.
  • Certifikata/ekstrakti i regjistrimit të shoqërisë së huaj jo më i vjetër se 3 muaj.
  • Vendimi për hapjen e degës në Kosovë.
  • Dokumentet e përfaqësuesit.
  • Përkthim i autorizuar nëse dokumentet nuk janë në shqip, serbisht ose anglisht.
  • Autorizimi, nëse aplikon përfaqësuesi.

Kur është e përshtatshme

  • Kur kompania e huaj dëshiron prezencë operative në Kosovë.
  • Kur aktiviteti lidhet me shoqërinë amë.
  • Kur dokumentet e huaja mund të verifikohen dhe përkthehen sipas kërkesës.

Kontroll para dorëzimit

  • A janë dokumentet e shoqërisë së huaj të vlefshme.
  • A kërkohet përkthim ose legalizim sipas rastit.
  • A është emëruar përfaqësuesi në Kosovë.
Zyrë e Përfaqësisë së Shoqërisë së HuajA0

Dokumentet që zakonisht kërkohen

  • Formulari A0 ose formulari përkatës sipas kërkesës së ARBK-së.
  • Certifikata/ekstrakti i regjistrimit të shoqërisë së huaj jo më i vjetër se 3 muaj.
  • Vendimi për hapjen e zyrës së përfaqësisë në Kosovë.
  • Dokumenti personal i përfaqësuesit.
  • Përkthim i autorizuar nëse dokumentet nuk janë në shqip, serbisht ose anglisht.

Kur është e përshtatshme

  • Kur shoqëria e huaj kërkon prezencë përfaqësuese pa veprimtari ekonomike në Kosovë.
  • Kur qëllimi është hulumtim tregu, marketing/promocion ose përfaqësim.
  • Kur kërkohet vendim i shoqërisë së huaj për hapjen në Kosovë.

Kontroll para dorëzimit

  • A është i qartë qëllimi i zyrës së përfaqësisë.
  • A është shmangur çdo veprimtari ekonomike në Kosovë.
  • A janë dokumentet e shoqërisë së huaj të përgatitura.
  • A janë përcaktuar përfaqësuesi dhe adresa.

Shënim: Lista është orientuese. Dokumentet verifikohen sipas rastit konkret, formës juridike, përfaqësimit dhe kërkesave aktuale të ARBK-së.

Pas regjistrimit

Verifiko hapat pas regjistrimit

Certifikata e biznesit nuk e mbyll procesin. Para fillimit të punës kontrollohen obligimet tatimore, qasja elektronike, dokumentet dhe licencat sipas aktivitetit.

ATK dhe EDI

Verifikohet statusi tatimor, qasja në EDI dhe mënyra e deklarimit të obligimeve të para.

TVSH sipas rastit

Vlerësohet nëse biznesi duhet të regjistrohet në TVSH ose nëse regjistrimi mbetet vullnetar.

Aktiviteti KVE

Kontrollohet nëse aktiviteti i zgjedhur përputhet me punën reale të biznesit.

Licenca dhe leje

Kontrollohet në RQLL nëse veprimtaria kërkon leje, licencë ose pëlqim shtesë.

Dokumente dhe faturim

Vendoset organizimi fillestar për dokumente, faturim, bankë, arkë, paga dhe kontabilitet mujor.

Afate dhe ndryshime

Planifikohen afatet e para dhe kontrollohet kur duhet bërë ndryshim në ARBK/RBK ose ATK/EDI.

Dërgo të dhënat për regjistrimHape formularin zyrtarKontrollo licencat në RQLL
FAQ

Pyetje të shpeshta për regjistrim biznesi

Sa zgjat regjistrimi i biznesit?

Afati varet nga kompletimi i dosjes dhe shqyrtimi nga ARBK; para dorëzimit i kontrollojmë dokumentet që të shmangen kthimet për plotësim.

A mund të hapet biznesi pa qenë pronari prezent?

Në raste të caktuara mund të përdoret përfaqësues i autorizuar, por dokumentet dhe autorizimi verifikohen sipas rastit.

Cila formë është më e përshtatshme: B.I. apo SH.P.K.?

Varet nga aktiviteti, përgjegjësia, rritja e planifikuar dhe mënyra si do të menaxhohet biznesi. Vendimi merret pas analizës fillestare.

A duhet prapashtesë në emrin zyrtar?

Po. Emri zyrtar duhet ta përfshijë prapashtesën sipas formës juridike, si B.I., O.P., O.K., SH.P.K., SH.A., D.K. ose Z.P.K.

A mjafton regjistrimi në ARBK për çdo aktivitet?

Jo gjithmonë. Disa aktivitete mund të kërkojnë licenca, leje ose pëlqime shtesë që kontrollohen në Regjistrin Qendror të Lejeve dhe Licencave.

A regjistrohet TVSH automatikisht?

Jo. TVSH kontrollohet sipas kushteve ligjore dhe statusit të biznesit; regjistrimi mund të jetë i detyrueshëm ose vullnetar sipas rastit.

Orientim profesional

Keni nevojë për orientim profesional?

Na dërgoni informacionin bazë për rastin tuaj dhe ekipi ynë ju orienton për dokumentet, afatet dhe hapat konkretë.

Dërgo kërkesënWhatsAppDërgo email
Burime zyrtare

Burime zyrtare për regjistrim biznesi

ARBK Portali zyrtar RBK Regjistrimi online Formularët A0 dhe B ATK Obligimet pas regjistrimit EDI Deklarimi elektronik

Shënim: Informacioni në këtë faqe është orientues dhe bazohet në burime zyrtare ose praktika profesionale. Kërkesat, dokumentet, afatet dhe procedurat mund të ndryshojnë sipas rastit konkret, statusit të biznesit dhe institucionit përgjegjës. Easy Accounting nuk është institucion publik dhe nuk zëvendëson vendimin ose interpretimin zyrtar të autoriteteve kompetente.

TelefonWhatsAppEmail
WhatsApp